Aaj usmein aur mujh mein
Kuch fark nahi Raha
Dharm ke naam par uske karm mei
Aur karm ke prati mere dharam mei
Kuch fark nai raha
Barood ke chand mukhaute pehne
Chala woh tezi se apni chaal
Chala main dheeme apni chaal
Par kadmon ke Aahat mei hamaare
Kuch fark nahi raha
Manzil chaahe jo thi uski
Raasta chaahe jo tha mera
Dono ke uss anjaam mei
Kuch fark nahi Raha
Laashon ne likhi jeevni uski
Murdon ne Bayaan ki meri Kahaani
Shabd chaahe ho jitne alag
Par unn lafzon ke ehsaason mei
Kuch fark nahi Raha
Mere seene pe lipte tirange mei
Uski gardan pe lipte fande mei
Mere maatam ke tamashe mei
Uski maut ke sannate mei
Kuch fark nahi Raha
Aaj usmein aur mujhmein
Kuch fark nai raha
SOS Kashmir 