Mere ghar se kuch door bomb girte hain
Har do hafte mein ek baar, ya cricket ka match ho
Toh pura hafta khratte sunai dete hai topo ke
Jee yeh mera sheher hai, border se kai meel door
Par bahut bahut paas
Aao yaha chain se kash lagalo
Log marte hain, akhbaar mein Aata hai
Mein gyser laga kar nahane se pehle padhta hu
Roti chabate hue unke dukh padhta hu
Chai ke saath do teen lasho ke photo ho jaate hai
Phir mein kaam par nikal jaata hu
Koi waha kuch nahi bolta
Cigarette Peena mana hai
Hafte mein do bar, ya har shaniwaar
Hindu muslim, kashmir ityadi baaton ke grenade
hawa mein chala deta HU
Koi kuch kehta hai, koi kuch sunta hai
Fir sab macchis dhoondte hai, rakh karne ke liye
Hum kare bhi to kya , baato ko zinda rakh ke?
Samosa chabao, teekha bahut hai, kha lo
Kuch aur log marte hai to khabro mei aata hai
Par desh ki baat hai, aag lagao ab
Cigarette ko aur dhua karo
Dil ko theek toh nai lagta, par aag lagao ab
Wo log waise hai, unki soch waisi hai
Chai thodi aur daalo, kam doodh, kam Shakkar
Ab ubalo, Khoob ubalo. Jal gayi?
Koi nai, aag lagao kash lagao
Bahuto ne bola tha aisa hoga
Hua bhi hoga, Germany, Roos, Cheen mei
Par wo log waise hi hai, aag lagao
Ab choddo bhi, cigarette nikalo
Taaki 3 min toh kam ho
Badhazmi ke
SOS Kashmir 